واحد الدري مدة ما شاف صاحبو، وقال يمشي لدارهم باش يسول عليه.
ملي دق، حلات ليه أم صاحبو، وسولها عليه، قالت ليه: أولدي من واحد النهار سخرناه يجيب اللحم ما رجعش.
قال ليها الدري: لا إله إلا الله! واشنو درتو؟
قالت ليه أم صاحبو: الدجاج
-------
هادو جوج مبوقين
واحد عطس، ولاخور كحب
الأول قال للتاني: علاش كتبدل الموضوع؟
-----
واحد المرا حرقات الضو الحمر، ووقفها البوليسي
قالت ليها: الله يرحم الواليدين، راني معلمة وما بغيتش نتعطل على الحصة ديالي
قال ليها البوليسي: الله! شحال وأنا كنتسنى هاد النهار. يالله جبدي ورقة وستيلو وكتبي "ما عمرني نحرق الضو الحمر" ألف مرة.
-------
واحد مكلخ سول صاحبو مكلخ كتر منو: شكون أقدم حيوان ف العالم؟
قال ليه صاحبو: الحمار الوحشي
قال ليه لاخور: وباش عرفتي؟
قال ليه صاحبو: حيت بيض وكحل
------
أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم
الرئيسية 
