هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ
------
واحد مكلخ سول صاحبو مكلخ كتر منو: شكون أقدم حيوان ف العالم؟
قال ليه صاحبو: الحمار الوحشي
قال ليه لاخور: وباش عرفتي؟
قال ليه صاحبو: حيت بيض وكحل
------
واحد المرا حرقات الضو الحمر، ووقفها البوليسي
قالت ليها: الله يرحم الواليدين، راني معلمة وما بغيتش نتعطل على الحصة ديالي
قال ليها البوليسي: الله! شحال وأنا كنتسنى هاد النهار. يالله جبدي ورقة وستيلو وكتبي "ما عمرني نحرق الضو الحمر" ألف مرة
-----
واحد الكسول سول المعلم ديال الانجليزية: أستاد، أشنو المعنى ديال why؟
قال ليه الأستاد: علاش.
قال ليه الكسول: لا، غير سولت.
قال ليه الأستاد: علاش أبنادم، علاش.
قال ليه الكسول: راه غير بغيت نتعلم الانجليزية